Abdul Hameed Adam Shayari ( 10 )


  •   |   Review 1487   |  

    saaGar se lab lagaa ke bahut Khush hai zindagii sahan-e-chaman me.n aake bahut Khush hai zindagii aa jaao aur bhii zaraa nazadiik jaan-e-man tum ko qariib paake bahut Khush hai zindagii hotaa ko_ii mahal bhii to kyaa puuchhate ho phir be-vajah muskuraa ke bahut Khush hai zindagii saahil pe bhii to itanii shagufataa ravish na thii tuufaa.N ke biich aake bahut Khush hai zindagii viiraan dil hai aur "Adam" zindagii kaa raqs jangal me.n ghar banaake bahut Khush hai zindagii

    Share With
  •   |   Review 1186   |  

    phuulo.n kii aarazuu me.n ba.De zaKhm khaaye hai.n lekin chaman ke Khaar bhii ab tak paraaye hai.n us par haraam hai Gam-e-dauraa.N kii talKhiyaa.N jisake nasiib me.n terii zulfo.n ke saaye hai.n mahashar me.n le gaii thii tabiyat kii saadagii lekin ba.De Khuluus se ham lauT aaye hai.n aayaa huu.N yaad baad-e-fanaa unako bhii Adam kyaa jald mere siikh pe imaan laaye hai.n

    Share With
  •   |   Review 1197   |  

    maikadaa thaa chaa.Ndanii thii mai.n na thaa ik mujassam beKhudii thii mai.n na thaa ishq jab dam to.Dataa thaa tum na the maut jab sar dhun rahii thii mai.n na thaa tuur par chhe.Daa thaa jis ne aap ko vo merii diivaa.ngii thii mai.n na thaa maikade ke mo.D par rukatii hu_ii muddato.n kii tashnagii thii mai.n na thaa mai.n aur us Gunchaadahan kii aarazuu aarazuu kii sadagii thii mai.n na thaa gesuuo.n ke saaye me.n aaraam-kash sar-barahanaa zindagii thii mai.n na thaa dair-o-kaabaa me.n "Adam" hairat-farosh do jahaa.N kii bad_zanii thii mai.n na thaa

    Share With
  •   |   Review 1191   |  

    jo log jaan buujh ke naadaan ban gaye meraa Khayaal hai ki vo insaan ban gaye ham hashr me.n gaye magar kuchh na puuchhiye vo jaan buujh kar vahaa.N anjaan ban gaye ha.Nsate hai.n ham ko dekh ke arbaab-e-aagahii ham aap kii mizaaj kii pahachaan ban gaye majh_dhaar tak pahu.Nchanaa to himmat kii baat thii saahil ke aas paas hii tuufaan ban gaye insaaniyat kii baat to itanii hai shaiKh jii bad_qismatii se aap bhii insaan ban gaye

    Share With
  •   |   Review 1166   |  

    jab gardisho.n me.n jaam the kitane hasii.n ayyaam the ham hii na the rusavaa faqat vo aap bhii bad_naam the kahate hai.n kuchh arsaa huaa qaabe me.n bhii asanaam the anjaam kii kyaa sochate naa-vaaqif-e-anjaam the

    Share With
  •   |   Review 1226   |  

    ha.Ns ke bolaa karo bulaayaa karo aap kaa ghar hai aayaa jaayaa karo muskurahaT hai husn kaa zevar ruup ba.Dhataa hai muskuraayaa karo had se ba.D kar hasiin lagate ho jhuuThii qasme.n zaruur khaayaa karo hukm karanaa bhii ek saKhaavat hai ham ko Khidamat ko_ii bataayaa karo baat karanaa bhii baadashaahat hai baat karanaa na bhuul jaayaa karo taa ke duniya kii dil_kashii na ghaTe nit naye pairahan me.n aayaa karo kitane saadaa mizaaj ho tum Adam us galii me.n bahut na jaayaa karo

    Share With
  •   |   Review 1242   |  

    apanii zulfo.n ko sitaaro.n ke havaale kar do shahar-e-gul baadaagusaaro.n ke havaale kar do talKhi-e-hosh ho yaa mastii-e-idaraak-e-junuu.N aaj har chiiz bahaaro.n ke havaale kar do mujh ko yaaro na karo rah_numaao.n ke supurd mujh ko tum rah_guzaaro.n ke havaale kar do jaagane vaalo.n kaa tuufaa.N se kar do rishtaa sone vaalo.n ko kinaaro.n ke havaale kar do merii taubaa kaa bajaa hai yahii ejaaz "Adam" meraa saaGar mere yaaro.n ke havaale kar do

    Share With
  •   |   Review 1300   |  

    ai maigusaaro.n savere savere Kharaabaat ke gird phere pe phere ba.Dii roshanii baKhshate hai.n nazar ko tere gesuuo.n ke muqaddas a.Ndhere kisii din idhar se guzar kar to dekho ba.Dii raunaqe.n hai.n faqiiro.n ke Dere Gam-e-zindagii ko "Adam" saath lekar kahaa.N jaa rahe ho savere savere

    Share With
  •   |   Review 1410   |  

    ab do aalam se sadaa-e-saaz aatii hai mujhe dil kii aahaT se terii aavaaz aatii hai mujhe yaa samaat kaa bharam hai yaa kisii naGme.n kii guu.Nj ek pahachaanii hu_ii aavaaz aatii hai mujhe kis ne kholaa hai havaa me.n gesuuo.n ko naaz se narm_rau barasaat kii aavaaz aatii hai mujhe us kii naazuk u.Ngaliyo.n ko dekh kar aksar "Adam" ek halki sii sadaa-e-saaz aatii hai mujhe

    Share With
  •   |   Review 1219   |  

    aap agar ham ko mil gaye hote baaG me.n phuul khil gaye hote aap ne yuu.N hii ghuur kar dekhaa ho.nTh to yuu.N bhii sil gaye hote kaash ham aap is tarah milate jaise do vaqt mil gaye hote ham ko ahal-e-Khirad mile hii nahii.n varanaa kuchh munfa_iil gaye hote us kii aa.Nkhe.n hii kaj-nazar thii.n "Adam" dil ke parde to hil gaye hote

    Share With


Shayari Category 706



☰ View Category
× Close Category