Daag Dehlvi Shayari ( 16 )


  •   |   Review 575   |  

    Dil Ko Kya Ho Gaya Khuda Jane? Kyon Hai Aisa Udas Kya Jane? Keh Diya Main Ne Hale Dil? Apna Is Ko Tum Jano Ya Khuda Jane!

    Share With
  •   |   Review 519   |  

    Ye Jo Hai Hukm Mere Pas Na Aye Koi? Iss Liye Ruth Rahe Hain K Manaye Koi? Taak Mein Hai Nigah-e-Shauq Khuda Khair Kare? Samane Se Mere Bachta Hua Jaye Koi!

    Share With
  •   |   Review 549   |  

    Pukarti Hai Khamoshi Meri Fugan Ki Tarah? Nigahein Kehti Hain Sab Raz-e-Dil Zuban Ki Tarah? Jala Ke Dag-e-Mohabbat Ne Dil Ko Khak Kiya Bahar? Ai Mere Bag Mein Khizan Ki Tarah!

    Share With
  •   |   Review 624   |  

    Raha Na Dil Mein Woh Bedard Aur Dard Raha; Muqeem Kaun Hua Hai, Maqaam Kiss Ka Thaa!

    Share With
  •   |   Review 508   |  

    Ajab Apna Haal Hota Ajab Apna Haal Hota Jo Visaal-e-Yaar Hota; Kabhi Jaan Sadqe Hoti Kabhi Dil Nisaar Hota; Na Mazaa Hai Dushmani Mein Na Hai Lutf Dosti Mein; Koi Gair Gair Hota Koi Yaar Yaar Hota; Yeh Mazaa Tha Dillagi Ka Ke Barabar Aag Lagti; Na Tumhein Qaraar Hota Na Hamein Qaraar Hota; Tere Vaade Par Sitamgar Abhi Aur Sabr Karte; Agar Apni Zindagi Ka Hamein Aitbaar Hota!

    Share With
  •   |   Review 503   |  

    Lutf Wo Ishq Mein Paaye Lutf Wo Ishq Mein Paaye Hain Ki Jee Jaanta Hai; Ranj Bhi Aise Uthaaye Hain Ki Jee Jaanta Hai; Jo Zamaane Ke Sitam Hain Wo Zamaana Jaane; Tu Ne Dil Itne Sataaye Hain Ki Jee Jaanta Hai; Muskurate Hue Woh Mazmaa-e-Agyaar Ke Saath; Aaj Yun Bazm Mein Aaye Hain Ki Jee Jaanta Hai; Kaaba-o-Dair Mein Pathra Gayi Dono Aankhein; Aise Jalwe Nazar Aaye Hain Ki Jee Jaanta Hai; Dosti Mein Teri Dar-Pardah Hamaare Dushman; Is Qadar Apne Paraaye Hain Ki Jee Jaanta Hai; Daagh-e-Waarafta Ko Ham Aaj Tere Kooche Se; Is Tarah Kheench Ke Laaye Hain Ki Jee Jaanta Hai!

    Share With
  •   |   Review 661   |  

    Aafat Kee Shokhiyan Hain Aafat Kee Shokhiyan Hain Tumhari Nigah Mein; Mehshar Ke Fitane Khelte Hain Jalwa-Gaah Mein; Woh Dushmani Se Dekhte Hain Dekhte To Hain; Main Shaad Hoon Ke Hoon To Kisi Kee Nigah Mein; Aati Baat Baat Mujhe Yaad Baar Baar; Kehta Hoon Daud Daud Ke Qaasid Se Raah Mein; Iss Tauba Par Hai Naaz Mujhe Zaahid Iss Qadar; Jo Toot Kar Shareek Hoon Haal-E-Tabaah Mein; Mushtaaq Iss Ada Ke Bahut Dard-Mand The; Ai Daag Tum To Baith Gaye Ek Aah Mein!

    Share With
  •   |   Review 490   |  

    Baat Karte Hain Khushi Kee To Ek Ranj Ke Sath; Woh Hansate Bhi Hain Ke Rula Dete Hain!

    Share With
  •   |   Review 540   |  

    Thak Thak Ke Band Hote Hain Chasme Intezar; Aata Hai Sab Ko Khyal Tumhare Khyal Se!

    Share With
  •   |   Review 555   |  

    Tumhare Khat Mein Naya Ek Tumhare Khat Mein Naya Ek Salaam Kiska Tha; Na Tha Raqeeb To Aakhir Woh Naam Kiska Tha; Raha Na Dil Mein Woh Bedard Aur Dard Raha; Muqeem Kaun Hua Hai Maqaam Kiska Tha; Wafa Karenge Nibhayenge Baat Maanege; Tumhe Bhi Yaad Hai Kuch Ye Kalaam Kiska Tha; Woh Katl Karke Har Kisi Se Puchte Hain; Yeh Kaam Kisne Kiya Yeh Kaam Kiska Tha; Guzar Geya Woh Zamana Kahein To Kis Se Kahein; Khyaal Dil Ko Mere Subah-o-Shaam Kiska Tha;

    Share With
  •   |   Review 481   |  

    Lutf Wo Ishq Mein Paaye Hain Ki Jee Jaanta Hai; Ranj Bhi Aise Uthaye Hain Ki Jee Jaanta Hai; Jo Zamane Ke Sitam Hain Wo Zamana Jaane; Tu Ne Dil Itne Sataye Hain Ki Jee Jaanta Hai!

    Share With
  •   |   Review 517   |  

    Rahega Ishq Tera Khaak Mein Mila Ke Mujhe; Ki Ibtidaa Mein Hue Ranj Intihaa Ke Mujhe; Diye Hain Hijar Mein Dukh Dard Kis Balaa Ke Mujhe; Shab-e-Firaaq Ne Mara Litaa Litaa Ke Mujhe!

    Share With
  •   |   Review 689   |  

    Raah Dekhenge Na Duniya Se Guzarne Wale; Hum To Jaate Hain Thehar Jaye Thehrne Wale; Ek To Husn Bala Us Pe Banawat Aafat; Ghar Bigdenge Hazaron Ke Sanwarne Wale!

    Share With
  •   |   Review 592   |  

    Gazab Kiya, Tere Vaade Pe Aitbaar Kiya; Tamaam Raat Qayamat Ka Intezar Kiya; Hansa Hansa Ke Shab-e-Vasl Ashkbaar Kiya; Tasaliya Mujhe De De Ke Beqaraar Kiya; Hum Aise Mahv-e-Nazara Na The Jo Hosh Aata; Magar Tumhare Tagaful Ne Hoshiyar Kiya; Fasana-e-Shab-e-Gham Unko Ek Kahani Thi; Kuch Aitabaar Kiya Aur Kuch Na-Aitabaar Kiya; Ye Kisne Jalwa Hamare Sar-e-Mazaar Kiya; Ki Dil Se Shor Utha, Haaye! Beqaraar Kiya; Tadap Phir Ai Dil-e-Nadan, Ki Gair Kehte Hain; Aakhir Kuch Na Bani, Sabr Ikhtiyaar Kiya; Kuch Aage Daawar-e-Mahshar Se Hai Umeed Mujhe; Kuch Aap Ne Mere Kehne Ka Aitabaar Kiya!

    Share With
  •   |   Review 675   |  

    Dil Mein Sama Gayi Hain Qayamat Kee Shokhiyan; Do-Chaar Din Raha Tha Kisi Kee Nigah Mein!

    Share With
  •   |   Review 587   |  

    Dil Geya Tumne Liya Hum Kya Karen; Jaane Wali Cheez Ka Gham Kya Karen; Hum Ne Mar Kar Hijr Mein Payi Shifa; Aise Achhon Ka Maatam Kya Karen; Apne Hi Gham Se Nahi Milti Najaat; Is Binaa Par Fikr-E-Aalam Kya Karen; Ek Saaghar Par Hai Apni Zindagi; Rafta Rafta Is Se Bhi Kam Kya Karen; Kar Chuke Sab Apni Apni Hikamtein; Dum Nikalta Ho To Humdum Kya Karen

    Share With


Shayari Category 706



☰ View Category
× Close Category