Ghazal Shayari ( 26 )


  • May 5, 2015   |   Review 636   |  

    Mohabbaton Mein Dikhave Kee Dosti Na Mila; Agar Gale Nahi Milata To Haath Bhi Na Mila; Gharon Pe Naam The, Naam Ke Saath Ahude The; Bahut Talaash Kiya Koi Aadmi Na Mila; Tamaam Rishton Ko Main Ghar Pe Chhod Aaya Tha; Phir Iske Baad Mujhe Koi Ajnabi Na Mila; Bahut Ajeeb Hai Ye Kurbaton Kee Doori Bhi; Wo Mere Saath Raha Aur Mujhe Kabhi Na Mila; Khuda Kee Itni Badi Kayanaat Mein Maine; Bas Ek Shakhs Ko Maanga Mujhe Wahi Na Mila!

    Share With
  • May 5, 2015   |   Review 464   |  

    Usi Se Aaye Hain Aashob Aasman Wale; Jise Gubaar Samajhate The Karavan Wale; Main Apni Dhun Mein Yahan Aandhiyan Uthata Hun; Magar Kahan Wo Maze Khaak-e-Aashiyan Wale; Mujhe Diya Na Kabhi Mere Dushmano Ka Pata; Mujhe Hawa Se Ladhate Rahe Jahan Wale; Mere Saraab-e-Tamanna Pe Rashk Tha Jin Ko; Bane Hain Aaj Wahi Bahar-e-Be-Karaan Wale; Main Nala Hun Mujhe Apne Labon Se Door Na Rakh; Mujhi Se Zinda Hai Tu Mere Jism-o-Jaan Wale; Ye Musht-e-Khaak Zafar Mera Pairahan Hi Tu Hai; Mujhe Zameen Se Darayein Na Kehakashan Wale!

    Share With
  • May 5, 2015   |   Review 439   |  

    Raat Apne Khwab Kee Keemat Ka Andaza Hua; Ye Sitara Neend Kee Tehzeeb Se Paida Hua; Zehan Kee Zarakhez Mitti Se Naye Chehre Uge; Jo Meri Yaadon Mein Zinda Hai Saraseema Hua; Meri Aankhon Mein Anokhe Zurm Kee Tazveez Thi; Sirf Dekha Tha Use Us Ka Badan Maila Hua; Wo Koi Khushbu Hai Meri Saans Mein Behti Hui; Main Koi Aansu Hun Us Kee Rooh Mein Girta Hua; Us Ke Milne Aur Bichad Jane Ka Manzar Ek Hai; Kaun Itne Fansalon Mein Be-Hijaab Aisa Hua!

    Share With
  • May 5, 2015   |   Review 480   |  

    Aankh Se Aankh Milata Hai Koi; Dil Ko Khinche Liye Jata Hai Koi; Va-e-Hairat Ke Bhari Mehfil Mein; Mujh Ko Tanha Nazar Aata Hai Koi; Chahiye Khud Pe Yakeen-e-Kaamil; Haunsla Kis Ka Badhata Hai Koi; Sab Karishmat-e-Tasavur Hai Shakeel; Varna Aata Hai Na Jata Hai Koi!

    Share With
  • May 5, 2015   |   Review 1210   |  

    Apni Pyari Aankhon Mein Chupa Lo Mujh Ko; Mohabbat Tum Se Hai, Chura Lo Mujh Ko; Dhup Ho Ya Sehra Tera Sath Chalenge Hum; Yaqeen Na Ho To Aazma Lo Mujh Ko; Tere Har Dukh Ko Seh Lenge Hans Ke Hum; Apne Wazood Kee Chadar Bana Lo Mujh Ko; Zindagi Bhi Tere Naam Kar Di Hai Humne; Bas Chand Lamhe Seene Se Laga Lo Mujh Ko!

    Share With
  • May 5, 2015   |   Review 397   |  

    Ishq Karo To Ye Bhi Socho Arz-e-Sawal Se Pehle; Hijr Kee Poori Raat Aati Hai Subah-e-Visaal Se Pehle; Dil Ka Kya Hai Dil Ne Kitne Manzar Dekhe Lekin; Aankhein Pagal Ho Jati Hain Ek Khyaal Se Pehle; Kis Ne Ret Udaai Shab Mein Aankhein Khol Ke Rakhi; Koi Misaal To Hona Us Kee Misaal Se Pehle; Kaar-e-Mohabbat Ek Safar Hai Is Mein Aa Jata Hai; Ek Zavaal-Aasaar Sa Rasta Baab-e-Kamaal Se Pehle; Ishq Mein Resham Jaise Vaadon Aur Khwabon Ka Rastaa; Jitna Mumkin Ho Tay Kar Le Gard-e-Malal Se Pehle!

    Share With
  •   |   Review 813   |  

    Jis Tarah Bhi Ho Saka Us Tarah Toda Mujhe; Zindagi Ne Maut Ke Qabil Nahi Samjha Mujhe; Zindagi Maankar Chalati Rahi Ghoda Mujhe; Har Kadam Par Maarti Hai Ek Naya Koda Mujhe; Zindagi Har Waqt Meri Peeth Par Baithi Rahi; Apni Marzi Ke Mutabiq Har Taraf Moda Mujhe; Is Tarah Apno Ke Ehsaan Hai Mujh Par Bahut; Chot De Kar Dil Ko Sheeshe Ki Tarah Joda Mujhe; He Zindagi Meri Tujhse Iltiza Itni Hai Bus; Chodhkar Nafrat Ki Bhasha Pyar De Thoda Mujhe; Warna Ek Din Jalti Hui Aag Se Bolegi Meri Laash Yoon; Zindagi Ne Aag Ke Dariya Me Laa Chhoda Mujhe

    Share With
  •   |   Review 528   |  

    Aate Jaate Mujhe Ilzaam Aate Jaate Mujhe Ilzaam To Dete Jao; Aate Jaate Mujhe Ilzaam To Dete Jao; Damm Nikal Jaye Jo Uth Ker Shab-E-Tunhaai Main; Mujh Ko Wapis Dil-E-Nakaam To Dete Jao; Main Kisi Aur Ka Ehsaan Naheen Lay Sakti; Meri Qismat Mera Anjaam To Dete Jao; Phool Mehkaon -k- Daaman Main Sajaon Kante; Mere Hisse Ka Mujhe Kaam To Dete Jao!

    Share With
  •   |   Review 548   |  

    Koi Soorat Koi Soorat Nikalti Kyon Nahi Hai; Yahan Halat Badalti Kyon Nahi Hai; Ye Bujhta Kyon Nahi Hai Unka Sooraj; Hamari Shama Jalti Kyon Nahi Hai; Agar Hum Jhel Hi Baithe Hain Isko; To Phir Ye Raat Dhalti Kyon Nahi Hai; Mohabbat Sar Ko Chadh Jati Hai, Aksar; Mere Dil Mein Machalti Kyon Nahi Hai!

    Share With
  •   |   Review 757   |  

    Ab Woh Galiyan Wo Makaan Yaad Nahi; Kaun Rehta Tha Kahan Yaad Nahi; Jalwa-e-Husn-e-Azal The Woh Dayaar; Jin Ke Ab Naam-o-Nishaan Yaad Nahi; Koi Ujala Sa Bhalaa Sa Ghar Tha; Kis Ko Dekha Tha Wahan Yaad Nahi; Yaad Hai Zeena-e-Pechaan Us Ka; Dar-o-Deewar-e-Makaan Yaad Nahi; Yaad Hai Zamzama-e-Saaz-e-Bahaar; Shor-e-Awaaz-e-Khizaan Yaad Nahi!

    Share With
  •   |   Review 467   |  

    Koi Din Gar Zindgani Koi Din Gar Zindgani Aur Hai; Apne Jee Mein Hum Ne Thaani Aur Hai; Aatish-e-Dozakh Mein Yeh Garmi Kahaan; Soz-e-Ghumhaae Nihaani Aur Hai; Baarha Dekhi Hain Unki Ranjishen; Par Kuch Ab Ke Sargaraani Aur Hai; De Ke Khat Munh Dekhta Hai Naama Bar; Kuch To Paigham-e-Zabaani Aur Hai; Qaata-e-Aamaar Hain Aksar Nazoom; Woh Balaa-e-Aasmaani Aur Hai; Ho Chukin Ghalib Balayein Sab Tamaam; Ek Marg-e-Naagahaani Aur Hai!

    Share With
  •   |   Review 509   |  

    Tanhaiyon Mein Tanhaiyon Mein Khayaal Aata; Khayaalon Mein Wo Naam Chala Aata; Beqarar Dil Ko Qarar Nahi Aata; Milne Ka Humein Kyon Unko Khayaal Nahi Aata; Jaage Bhi Wo Soye Bhi Wo, Ye Silsila Tham Hi Nahi Pata; Soche To Kya Soche, Koi Vichar Aur Samajh Nahi Aata; Rab Se Aziz Wo Kaisa Saaya Hai, Itna Kya Mann Ko Bhaya; Naam Lena Chahu Rab Ka Aur Uska Hi Naam Zubaan Pe Aa Jata!

    Share With
  •   |   Review 742   |  

    Sar Jhukaoge To... Sar Jhukaoge To Patthar Devta Ho Jayega; Itanaa Mat Chaho Use Wo Be-Wafa Ho Jayega; Hum Bhi Dariya Hain Humein Apana Hunar Maloom Hai; Jis Taraf Bhii Chal Padenge Raasta Ho Jayega; Kitani Sachayi Se Mujh Se Zindagi Ne Keh Diya; Tu Nahi Mera To Koi Doosra Ho Jayega; Main Khuda Ka Naam Le Kar Pee Rahaa Hun Dosto; Zehar Bhi Iss Mein Agar Hoga Dawa Ho Jayega; Rooth Janaa To Mohabbat Kee Alamat Hai Magar; Kya Khabar Thi Mujh Se Wo Itna Khafa Ho Jayega!

    Share With
  •   |   Review 479   |  

    Barish Hui to Phoolon Ke Tan Chaak Ho Gaye; Mausam Ke Haath Bheeg Ke Saffak Ho Gaye; Baadal Ko Kya Khabar Hai Ki Barish Kee Chaah Mein; Kaise Buland-o-Baala Shajar Khaak Ho Gaye; Jugnu Ko Din Ke Waqt Parakhne Kee Zidd Karein; Bachhe Hamare Ahad Ke Chalaak Ho Gaye; Lehra Rahi Hai Barf Kee Chaadar Hata Ke Ghaas; Suraj Kee Sheh Pe Tinke Bhi Bebaak Ho Gaye; Basti Mein Jitne Aab-Gazida The Sab Ke Sab; Dariya Ke Rukh Badalte Hi Tairaak Ho Gaye;

    Share With
  •   |   Review 508   |  

    Har Ek Baat Pe Kehate Ho Tum Ki Tu Kya Hai; Tum Hi Kaho Ki Ye Andaaz-e-Guftgu Kya Hai; Ragon Mein Daudte Phirane Ke Hum Nahi Qaayal; Jab Aankh Hi Se Na Tapka To Phir Lahoo Kya Hai; Chipak Raha Hai Badan Par Lahoo Se Pairaahan; Hamari Jeb Ko Ab Haajat-e-Rafoo Kya Hai; Jalaa Hain Jism Jahaan, Dil Bhii Jal Geya Hoga; Kuredte Ho Jo Ab Raakh, Justajuu Kya Hai!

    Share With
  •   |   Review 514   |  

    Ishq Ko Taqleed Se Aazad Kar; Dil Se Giraya Aankh Se Fariyaad Kar; Baaz Aa Ai Banda-e-Husn Majaz; Yun Na Apni Zindagi Barbaad Kar; Ai Khayalon Ke Makeen Nazron Se Door; Meri Veeran Khalvatein Abaad Kar; Naza Mein Hichki Nahi Aayi Mujhe; Bhulne Wale Khudaa-Raa Yaad Kar; Husn Ko Duniyaa Kee Aankhon Se Na Dekh; Apni Ik Tarz-e-Nazar Izaad Kar; Ishrat-e-Duniya Hai Ik Khwab-e-Bahar; Kabaa-e-Dil Dard Se Abaad Kar;

    Share With
  •   |   Review 524   |  

    Apna Deewana Bana Kar Le Jaye; Kabhi Wo Aaye Aur Aa Kar Le Jaye; Roz Buniyad Uthata Hun Nayi; Roz Sailab Baha Kar Le Jaye; Husn Walon Mein Koi Aisa Ho; Jo Mujhe Mujh Se Chura Kar Le Jaye; Rang-e-Rukhsaar Pe Itarao Nahi; Jaane Kab Waqt Udaa Kar Le Jaye; Kise Maloom Kahan Kaun Kise; Apne Raaste Pe Laga Kar Le Jaye;

    Share With
  •   |   Review 488   |  

    Shayad Aaghaz Hua Phir Shayad Aaghaz Hua Phir Kisi Afsane Ka; Hukm Aadam Ko Hai Jannat Se Nikal Jane Ka; Un Se Kuch Keh To Raha Hun Magar Allah Na Kare; Wo Bhi Mafhoom Na Samjhe Mere Afsane Ka; Dekhna Dekhna Yeh Hazrat-e-Vaiz Hi Na Hon; Raasta Puch Raha Hai Koi Maikhane Ka; Betalluq Tere Aage Se Guzar Jata Hun; Yeh Bhi Ek Husn-e-Talab Hai Tere Deewane Ka;

    Share With
  •   |   Review 541   |  

    Kuchh Faisala To Ho Ki Kidhar Jana Chahiye; Paani Ko Ab To Sar Se Guzar Jana Chahiye; Har Baar Aidiyon Pe Gira Hai Mera Lahoo; Maqtal Mein Ab Ba-Tarz-e-Digar Jana Chahiye; Kya Chal Sakenge Jin Ka Faqat Masla Ye Hai; Jaane Se Pehle Rakht-e-Safar Jana Chahiye; Sara Jvaar-Bhata Mere Dil Mein Hai Magar; Ilzaam Ye Bhi Chaand Ke Sar Jana Chahiye; Jab Bhi Gaye Azaab-e-Dar-o-Baam Tha Wahi; Aakhir Ko Kitni Der Se Ghar Jana Chahiye; Tohmat Laga Ke Maa Pe Jo Dushman Se Daad Le; Aise Sukhanafarosh Ko Mar Jan Chahiye!

    Share With
  •   |   Review 1072   |  

    Jis Tarah Bhi Ho Saka Us Tarah Toda Mujhe; Zindagi Ne Maut Ke Qabil Nahi Samjha Mujhe; Zindagi Maankar Chalati Rahi Ghoda Mujhe; Har Kadam Par Maarti Hai Ek Naya Koda Mujhe; Zindagi Har Waqt Meri Peeth Par Baithi Rahi; Apni Marzi Ke Mutabiq Har Taraf Moda Mujhe; Is Tarah Apno Ke Ehsaan Hai Mujh Par Bahut; Chot De Kar Dil Ko Sheeshe Ki Tarah Joda Mujhe; He Zindagi Meri Tujhse Iltiza Itni Hai Bus; Chodhkar Nafrat Ki Bhasha Pyar De Thoda Mujhe; Warna Ek Din Jalti Hui Aag Se Bolegi Meri Laash Yoon; Zindagi Ne Aag Ke Dariya Me Laa Chhoda Mujhe!

    Share With
  •   |   Review 477   |  

    Aate Jaate Mujhe Ilzaam Aate Jaate Mujhe Ilzaam To Dete Jao; Aate Jaate Mujhe Ilzaam To Dete Jao; Damm Nikal Jaye Jo Uth Ker Shab-E-Tunhaai Main; Mujh Ko Wapis Dil-E-Nakaam To Dete Jao; Main Kisi Aur Ka Ehsaan Naheen Lay Sakti; Meri Qismat Mera Anjaam To Dete Jao; Phool Mehkaon -k- Daaman Main Sajaon Kante; Mere Hisse Ka Mujhe Kaam To Dete Jao!

    Share With
  •   |   Review 485   |  

    "Ik Umar Dil Kee Ghaat Se Tujh Par Nigaah Kee; Tujh Par Teri Nigaah Se Chhup Kar Nigaah Kee; Roohon Mein Jalti Aag Khayalon Mein Khilte Phool; Saari Sadakatein Kisi Kaafir Nigaah Kee; Jab Bhi Gham-e-Zamana Se Aankhein Hui Do-Chaar; Munh Pher Kar Tabassum-e-Dil Par Nigaah Kee;"

    Share With
  •   |   Review 597   |  

    Dil Geya Tumne Liya Hum Kya Karen; Jaane Wali Cheez Ka Gham Kya Karen; Hum Ne Mar Kar Hijr Mein Payi Shifa; Aise Achhon Ka Maatam Kya Karen; Apne Hi Gham Se Nahi Milti Najaat; Is Binaa Par Fikr-E-Aalam Kya Karen; Ek Saaghar Par Hai Apni Zindagi; Rafta Rafta Is Se Bhi Kam Kya Karen; Kar Chuke Sab Apni Apni Hikamtein; Dum Nikalta Ho To Humdum Kya Karen;

    Share With
  •   |   Review 854   |  

    Kab Ta Dil Kee Khair Manayein Kab Tak Raah Dikhlaoge; Kab Tak Chain Kee Mohlat Doge Kab Tak Yaad Naa Aaoge; Beeta Deed Umeed Ka Mausam Khak Udti Hai Aankhon Mein; Kab Bhejoge Dard Ka Baadal Kab Barkha Barsaoge; Ahd-E-Wafa Ya Tark-E-Mohabbat Jo Chaho So Aap Karo; Apne Bas Kee Baat Hi Kya Hai Hum Se Kya Manwaoge; Kis Ne Vasl Ka Suraj Dekha Kis Par Hijr Kee Raat Dhali; Gesuon Wale Kaun The Kya The Un Ko Kya Jatlaoge;

    Share With


Shayari Category 706



☰ View Category
× Close Category